بدون مناســـبه الجزء الثالث

أنا و جدي
جائنى جدي وأنا جالس أمام الكمبيوتر
وقال لى: يواد يامحمد عيزك تعلمنى البتاع ده بيقولوا عليه حلو
وأحسن من الراديو والتليفزيون ..
قلت له :إستنى عليه شويه ياجدي ..دقيقه واحده
وجأتنى فكره جهنميه لا أعرف كيف قفزت إلى رأسى
أنا هاعمل لجدي فنجان قهوه من إياه
يمكن لما يشربه ينسى حكايه إنى أعلمه على الكمبيوتر
ولما شرب القهوه وبداء مفعولها يشتغل
عنيه إحمرت وبداء ينظر للسقف , ربكم والحق أنا خفت
ليكون بيموت ويكون السبب القهوه,
قلت له ياجدي مالك فى إيه
إتنهد تنهيده طويله وقال لى
تعرف ياواد يا محمد
زمان كان الجو جميل , كانت الناس قليله
كانوا بيحبوا بعض , ويخافوا على مشاعر بعض
كان لما الواحد يمرض
كل الشارع يزوره ويعرض كل مايملك لمساعدته
وياسلام .. لما حد يموت ماكنش حد يفرح
إلا بعد أربعين يوم حفاظاً على شعور أهل الميت
قلت له : ياجدي مابلاش سيره الموت وانتا لسه شارب قهوه
غير..! أنتا مش كنت عايز تتعلم كمبيوتر ..؟؟
بص لى وقال لى :
تعرف زمان كان الواحد بيستنى الخميس الأول من كل شهر
علشان نسمع الست أم كلثوم كنا بنستناها زي مايكون اليوم ده عيد
ونقعد نسمعها بالساعتين والثلاثه
مش زى أغانيكم اللى ماحدش فاهم منها حاجه
إلا بالحق إيه أحدث حاجه ؟؟
قلت له : أبو الليف
قال : إيه مش سامع
كررت : أبو الليييييييييييف ياجدي
قالى يابنى حرام عليك ده لو كان أيامنا فى مطرب إسمه كده
كنا ولعنا فيه وفى المسرح وف الأذاعه والتليفزيون
يابنى أبو الليف ده أسم ولا صفه ؟
لو أسم يبقى عليه العوض
ولو صفه يبقى علينا العوض
المهم كنا نقعد نسمع الست فى ثلاث ساعات وكنا نتمنى أن تزيد
ودلوقتى أنا بسمع أغانيكم فى ثلاث دقائق وأقول إمتى تخلص..
وقام من مكانه متنرفز وخرج من الغرفه وهو يتمتم بكلمات غير مفهومه !!
..............
ياااااااااااه ..أتارى القهوه مبتخليش الواحد يهلوس
ذى ما حصل معايا فى المرات السابقه
دى بتخلى الواحد يفوق على حاضر ربنا أعلم بيه
ومستقبل ربنا ينجينا منه..

دعواتى لكم بكل خير
و
مـــــع أرق تحيـــــــاتى
محمد رفاعى

السلام عليكم
اخى محمد رفاعى
اشكرك على موضوعك القيم
المرطبت بعادت زمان
والى بيفكررنا بالايام الحلوة
ايما مكنش تعرف الجار من جاره اى بيت فيهم ملك الاخر
ايام مكان بيموت واحد فى القريه
والتلفزيونات تتقفل 40 يوم مش بس الافرح تقف
حتى لو البيت بعيد عنو
ولو اطريت تفتحها لمتش كوره
بطوطى الصوت على الاخر وخايف حد من عند المتوفى يكون معدى
بس هى فين الايام دى
وفين كمان الفن الاصيل
الان فيه بعرور
ومجدى الشعار
ومطربين بتوع عربيات الجلاتى
والتكاتك
الزمن الجميل انقرد وياليتهو يعود
تحياتى لك اخى الكريم

» بحث فى المخدرات ( الجزء الثالث )
» الجزء الثالث من ( لا تحزن ) ما مضى فــــــــات
» واجه نفسك الجزء الثالث
» بدون مناسبه الجزء الثانى
» حقائق وأكاذيب الجزء الثالث ...!!! فى هذه المره حقائق فقط عن عبدة الشيطان