هى دى الناس اللى عايشه ..جتنا نيلة فى حظنا الهباب !!

بسم الله الرحمن الرحيم

هحكيلكم موقف صغير..

وانا راجع من الكليه ..كنت راكب العربيه فى الكرسى الاخير ..وراكب جنبى 3 شباب نفس سنى تقريبا..

المهم..الشاب اللى قاعد جنبى على طول كان معاه مجله عمال يقرأ فيها وتعابير وشه تدل على انه منبهر بحاجه فيها..

وطبعا لا انا اعرفه ولا هو يعرفنى..

المهم..شوية ولقيته بيورينى المجله ويقولى:

(شوف ..اتفرج..هى دى الناس اللى عايشه ..جتنا نيله فى حظنا)

المجله كانت فيها صور فرح احد المطربين المشهورين..

الشاب من كتر ما الدنيا توغلت فى قلبه ونفسه ان يبقى عنده زى الناس دى مقدرش يمسك نفسه من اللى شافه وقعد يفرج المجله على الناس علشان يشاركوه احزانه !!

قلت: سبحان الله

﴿زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآب﴾

شوفت لفظ (زُيِّنَ) ؟؟

جاى من التزيين والزينه..وده معناه ان الحاجه دى حاجه عاديه ..بس بعد الزينه بقت حاجه جامده جدااااااا كل الناس بتحبها..

كمثال..

لو جبت لك هديه عاديه جدا..مادليه بجنيه ونص ..بس قمت حاططها فى علبه محترمه ولاففها لفه محترمه بسولوفان وفيونكه..
وبقت بالمنظر ده ..

طبعا وانا جايبهالك ..انت هتموت عليها ..ده ايه الهديه الرهيبه دى؟؟
وانت فى قمة الاعجاب والانبهار بيها..

لكن لما تاخدها وتكتشف حقيقتها ..وتعرف انها حته مادليه بجنيه ونص..هتعرف انك كنت مغفل
لما كنت هتتجن علشان تاخدها وهتموت نفسك عليها..صح ولا لاء؟؟؟

اهو هو ده اللى الناس هتكتشفه يوم القيامه ..لما تلاقى كل الحاجات اللى فوق دى (النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ) مش نافعاك..لما تلاقى فلوسك اللى بالمليارات مش نافعاك..ولا مراتك ولا ولادك ولا اى شئ سوى عملك الصالح..

هتعرف كويس ربنا ختم الايه وعرفك حقيقة الكلام ده فقال عز وجل
(ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآب)

وسبحان الله ..وعلشان الناس متفهمش ان احنا بنقولهم متتمتعوش..لا..
ده من رحمة ربنا انه أحل لينا الشهوات دى كلها
ولكن ..

بشرط :ان احنا منتعلقش بيها وتشغلنا عن العمل لاخرتنا ..
او ان احنا نحبها لدرجة تجعلنا نفضلها على حب الله فتعمى ابصارنا وتخلينا نرتكب المعاصى والذنوب ونبيع الدين علشان نوصل للشهوات دى..!

وللاسف ده بقى حال كتيييييييييييير مننا..بنهلك فى نفسنا ونموت بعض علشان شهوات الدنيا الفانيه!!

ياريت نرجع نعيد حساباتنا تانى يا جماعه؟؟

وأبشركم فى اخر الموضوع بالايه اللى ربنا جابها مباشرة بعد الايه دى

﴿قُلْ أَؤُنَبِّئُكُم بِخَيْرٍ مِّن ذَلِكُمْ لِلَّذِينَ اتَّقَوْا عِندَ رَبِّهِمْ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَأَزْوَاجٌ مُّطَهَّرَةٌ وَرِضْوَانٌ مِّنَ اللّهِ وَاللّهُ بَصِيرٌ بِالْعِبَادِ﴾

يارب ارزقنا حبك وانزع شهوات الدنيا من قلوبنا يارب

ملطوووووش

تسلم اخى الغالى الفرعون على نقلك الجيد
بارك الله فيك وجعله فى ميزان حسناتك
اللهم ابعد عنا الحب المفرط للشهوات فى الدنيا
وقربنا اليك فى الاخرة
تحياتى
دمعة فرح

دمعة فرح كتب:: تسلم اخى الغالى الفرعون على نقلك الجيد
بارك الله فيك وجعله فى ميزان حسناتك
اللهم ابعد عنا الحب المفرط للشهوات فى الدنيا
وقربنا اليك فى الاخرة
تحياتى
دمعة فرح

شكرا لردك يادمعة فرح
ولازم ناخد بالنا من نفسنا بقا
قبل فوات الاوان
ونندم فى الاخر
ونقول ياريت الى جرى مايجرى
وشكرا مرة اخرى على ردك
نورتينى

اشكرك اخي الغالي الفرعون المصري و بارك الله فيك على موضوعك القيم الذي يلفت انتباه
من اغوته الدنيا بشهواتها و ملذاتها المزيفة و انجرف وراء تيار المغريات
و نسي واجبه في هذه الدنيا و انه راحل منها لا محال
نسال الله ان يرزقنا الرضى و القناعة و حب ما عنده من نعيم في الاخرة
فكما قال علي ابن ابي طالب رضي الله عليه " يا دنيا غري غيري "

اشكرك اخي علي الموضوع في قمة الروعه

كتير من المظاهر بتخدع الانسان والشكل مش كل حاجه

مع كل اتوفيق وياريت تبهرنهنا بكثير من هذه الموضيع الجميله

همس الحب

السلام عليكم
بيديتا اشكرك اخى الفرعون على هذا الموضوع
يتنا نيله فى حظنا الهيبايب
هذة المقوله لو يعلم من قالها ما فيها من صخت وعدما رضا يبما كتيبه الله لما قالها
لو علمتم ما يبالغييب لرؤضيتم بالوقع
من ادرة انه بما هو فيه افضل حظ من من رئى
انا الله ارحم بالانسان من الام بولده
ولذالك يكيف لكل انسان عيشته له بما يكون فيها الخير له
فى ايه فيما معنها ويدعو الانسان على نفسه بالشر دعائه بالخير وكان الانسان عجولا
ليست السعاده بالمال ولا الجاه ولا النفوز ولا السلطان
ازكر قصه مالك متغطرس جيبار مع عبيد صالح
قل للملك اريت ملكك هذا قال نعم
قال لو كنت فى صحراء جرداء وتموت عطشا وجاء من معه الماء وقال لك بيكم تشترى الماء قال الملك بينصف ملكى
قال العبيد الصالح اؤرئيت ان شريبت الماء وانحجز الماء يبداخلك ولم تسطتيع التبيول فكم تدفع للطبيييب ان يريحك منه قال يبنصف ملكى الاخر
قال له ارئيت انا ملكك كله لا يسوى شريبه ماء وتبيولها
فماذ يفعل بيالماء لو اصيبه داء او مرض
ماذ ينفعه المال ان لم يتنام مرتاح اليبال مرتاح الضمير هل ياتى احد مثل قارون
مفتيح خزائنه عصيبه اولى قوة لا تقدر على حملها
فماذ نفعه ماله يبعد ان خسف يبه الله ويبداره الارض
تمهل اخى قد تكون احسن حظ وانتا لا ترى
ولاكن لا عييب فى ان نحلم وندعو الله يبما نتمنا ولكن يجيب ان نقول فى نهايه كل طلبي ورجاء من الله
اللهم ان كان الغنى خير لى فغنينى

االرضاء هو الاساس شكرا اخى الفرعون

» هاجرني وسبني عايشه في نار
» لمصرى اللى على حق يقول للغلط لا
» في زحمة الناس
» عندما يتغير عليك اعز الناس
» 6أصناف من الناس لا تحاورهم