امتحان واحد زهقـــــان

بسم الله توكلنا على الله

واحد زهقان بيعمل امتحان

السؤال الأول:

التعبير

اكتب ما لايقل عن 650 سطر فى أحد الموضوعات التالية:

* لم يجد الطفل غير الشارع ملجأ نظراً لحالة البلد الهباب ..

فاتجه إلى السرقة والقتل والحشيش..

حتى نال جزاءه وقبض عليه متلبساً بباكتة بانجو..

اكتب قصته مع تسليم الحِرز للباشا مراقب اللجنة

* شهدت بلدنا الحبيبة نهضة فى مجال التشييد والبناء

وخصوصا بعد وصول سعر الحديد إلى 6500 جنيه للطن..

اكتب ما يمليه عليك ضميرك على أن يبدأ موضوعك بعبارة

أنا " باشتغل فى حديد عز"

* بعد انتشار ظاهرة أكل لحم الكلاب والحمير..

من وجهة نظر حمار تكلم عن هذه الظاهرة

ومن المتسبب فيها بدون غلط..

الورق متراقبـــــــــــــــــــ ـــــــــــــــــــــــــ ــــــ ـــــــ

السؤال الثانى:

القصة
من قصة " وعهد الله ما انت داخل الانتخابات" ..
اقرأ القطعة وأجب عن الآتى:

"ثم أتى إليه وضربه بالجزمة وقال:

انت عايز تترشح فى الانتخابات ياض؟؟

داانت عايز معجزة..مش كفاية بتاكلوا لحمة ومستورين ..
عايزين إيه تانى؟ "

من خلال خيالك المريض عرف ما هى اللحمة؟

أو على الأقل حدد أقرب معنى لها

مرادف معجزة فى اللغة

( تغيير وزارى – زيادة المرتبات – رغيف العيش)

اختر يا مقلول البخت

لماذ ضربه الرجل بالجزمة وليس بالعصى مثلا؟؟

(أهو كسل .. لسة هيرفع العصاية؟ -

عشان العصاية قلة قيمة برضه واحنا فى عصر الديمقراطية –

عشان الخشب غالى اليومين دول)

حلل بمزيد من التفصيل جملة "ضربه بالجزمة"

ومدى توافقها مع جملة "مصر بتتقدم بينا"

السؤال الثالث

القراءةمن موضوع

( الزعيم..والفنان.. والقدوة)

اقرأ القطعة وأجب

"وقد نفى الزعيم عادل إمام الإشاعات التى أكدت أنه مرشح

لوزارة الثقافة.. وأكد أنه فنان فقط وليس سياسيا

الخبر حقيقى كما أنه يرحب بالتوريث

ومقتنع بكل سياسات الحكومة"

فى رأيك
هل يصلح عادل إمام لوزارة الثقافة أم لوزارة الصناعة

باعتبار أن أفلامه كلها تهتم بالثقافة على حساب الصناعة

ذكرنا فى الدرس أن عادل إمام سيتقاضى فى فيلمه القادم12 مليون جنيه

فى رأيك ياعم المحروم تليفونه خط ولا كارت

من خلال معرفتك للفنان القدوة وتاريخه الثقافي الحافل ..

أجب على أن تضع إيدك على المصحف

وانت بتحلف للمراقب بتاع اللجنة ..

وقول والله العظيم عادل إمام فنان قدوة ومحترم ومثقفــــــــــــــــــــ ـــــــــــــــــــــــــ ـــــ ــــــــــــ

السؤال الرابع

النصوص
أجب عن أحد النصين الآتيين:

من نص ( ماشربتش من نيلها)..

اقرأ ثم أجب

"ماشربتش من نيلها.. جربت تغنى لها..

جربت فى عز ماتحزن تمشى ف شوارعها وتشكى لها"

بعد رغبة صاحبة النص فى أن تلد ابنتها فى أمريكا

لتحصل على الجنسية الأمريكية..

اختر..ما المقصود بنيلها فى النص؟

( المسيسبى - الأمازون – يونج يانج)

هذا النص من نصوص الحزب الوطنى

والدليل وجود اسم مهم من قيادات الحزب فى النص.

استخرج الاسم..

وبوسه من...... ورجَّعُه مكانه

أكمل الأبيات إلى آلاخر النص بانتقادات

بسبب بعده عن الواقع..

وضح من النص ما يتفق مع القول المأثور

"اطبخى ياجارية .. الأنبوبة فاضية يا سيدى

السؤال الخامس

النحو

أعرب ما تحته خط..

لو مالقيتش القطعة أصلا ..اتصرف

ذهب الرئيس إلى المؤتمر ..

ضع الجملة السابقة فى صيغة المثنى..

كان ممدوح إسماعيل قاتلا .. ضع إن مكان كان..

على ألا تنصب ممدوح .. عشان هوه بينصب لوحده

فُرِضت الضرائب علينا ببشاعة ..أعرب الجملة ..

وارفع الضرائب أبوس إيدكـــــــــــــــــــــ ـــــــــــــــــــــــــ

السؤال السادس

الخط

كوز المحبة انخرم .. طرطش على كمى ..

ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط ..

موبينيل وفودافون واتصالات ..

كما يمكن التحويل من خط لخط بنفس الرقم ..

فقط اتصل بخدمة العملاء .

مع خالص تمنياتى بان تنال اعجاب الجميع
الامضاء
واحد زهقان ..

الراجل ده مش زهقان بس دا خلاص اعتبرهفى قائمه
الاموات
ولا تجوز عليه الا الرحمه
تسلم يا اسلام على المضوع خرجنا شويه من جو الجد ده
وعد الحب

تسلم اخي فرعون على نكتة

شكراااا

» امتحان فى مدرسة مجانين
» امتحان للروضة اتحداك تجاوب عليه‏
» قلب واحد مش كفاية لحبى ليك
» حرف واحد يدمر جهازك للابد ؟!!!
» الحرية و العدالة و العسكرى و الفلول فى خندق واحد