(( وبعدهالك يا قلبي ))

وبعدهالك يا قلبى
ما راح خلاص ونسيك
وخد معاه غناويك

وفات معاك احزانه
اللى بسببها اتهانو
عيني ادام عينيك

ما خلاص راحت علينا .. وانكتبنا مجروحين
والدموع قاسيه علينا .. مين ح يرضى بينا مين

لسه عندك قلب يعشق؟؟
لسه عندك قلب ؟؟

لسه عندك شوق ف قلبك ؟؟
لسه ناوى تحب ؟؟

لسه نارك هى دارك والدموع ما بتنتهيش
نار عذابك باختيارك راح تزيد ما بتنطفيش

لسه عايش حلم كان


تفتكر يرجع زمان

ما خلاص راحت علينا .. وانكتبنا مجروحين
والدموع قاسيه علينا .. مين ح يرضى بينا مين

أه يا خوفى من اللى راح
لما يصحى او يعود
الحنين ويا الجراح
ولا شوق مالوش حدود

ولا قسوه قلب خانك كنت يوم بتقول حبيبك
لاجل غيرك باع حنانك والدموع كانت نصيبك

تفتكر يرجع زمان
تفتكر فات الاوان

ما خلاص راحت علينا .. وانكتبنا مجروحين
والدموع قاسيه علينا .. مين ح يرضى بينا مين

اه من الايام تعدى .. تسرق الاحلام ثوانى
اوعى تحلم .. لا ياقلبى .. منين هجيب لك عمر تانى

ماخلاص راحت علينا وانكتبنا مجروحين
والدموع قاسيه علينا مين ح يرضى بينا مين

وبعدهالك ياقلبى


..
تحياتى / اسلام..