ا]center]لسلام عليكم مرحبا بكم
اود ان احيط سيادتكم علما بان ما اكتبه ليس بالضروره تجربه
شخصيه
انما هي نظره في واقعنا وحياتنا اصيغها في شكل زجلي لان كثير
من
الاعضاء اعتقد ان ما اكتبه تجارب شخصيه ***
بنات وشباب وسعاده البيه
بعد ما تتعشي الناس تتمشي
وعلشان انا ذي الناس اديني هتمشي
************
في الشارع الناس متلخبطه
الي مهرجل والي مبرجل
والي ماشيه مظبطه
عربيات موتسيكلات
وتكاتك مقطقطه
وبناتنا الحلوين المقطقطين
معظمهم لابسين ملابس محزقه
تلقي وراهم طوابير من الشله المشوقه
دي بيصفر ودي بيهزر
وصاحبتنا ماشيه مروقه
*********
قولت ادخل يمين يجعلنا من السالمين
او حتي ادخل شمال وابعد عن العيال
لاقيت ادامي كمين
قولت يارب العالمين
احفظنا نرجع لولادنا سالمين
*******
قربت واحده واحده
وبعد شويه
بصيت حواليه
لا لقيت واحد والا حتي واحده
قولت اااااااااه يا مسكين
ادخل ع الكمين
****
بصلي بعينين متشوقين سعاده الباشا
وقالي تعالي هنا
رديت بسرعه مين انا؟؟
قال من غيرك يا حبيبي هنا
قربت عليه يا سعاده البيه..
قال بتقول ايه؟؟؟؟
قولت لا سمح الله سعادتك.
سعاده البيه.
*
*
*
*
*
*
رد بحرقه والشرر طاير من عينيه
خدوه يارجاله علموه
ايه الفرق بين الباشا والبيه
قولت باذنك عاوز اتكلم ...قال اتكلم
قولت انا نفسي اتعلم ...ايه الفرق بس
بين باشا ** وبيه
رجعت وقولت انا استاهل اصل انا جاهل
لازم اتعلم اذاي اتكلم وي الباشا
ووي البيه
والاايه
الرد باقتباس[/center]
