صورة وتعليق

موضوع: صورة وتعليق الإثنين أبريل 25, 2011 9:36 pm

عقيقة فى مركز شباب كفرنعمان
والنتيجة كانت كما تشاهدون فى الصورة التالية

لا تعليق

السلام عليكم
العقيقه كانت
العصر
والصوره دى باليل
ثم انها فى الصور موجود كرتين
يعنى الحجات دى كانت متعبيه فى كرتين
ممكن يا اخى على مصحبها جه يشلها
يكون الاولاد هما الى نتوروها كده
انتا عارف الاطفال هناك كتير
منفتردش سوء النيه
انا اعرف ان صاحب العقيقه راجل نظيف ومنظم
ممكن يكون راح يجيب سياره تشيلو وفى الوقت ده الاولا نتورها
وانتا معدى صورتها
بس

المفروض ادارة مركز الشباب دى تتحاسب دى مش فوضه
صورة تكسف ربنا يرحمنا من الاشكال الى عملت كده
ومشكور يا اخى على ذكر هذه السلبية علشان نتلاشاها بعد كده
تحياتى
دمعة فرح

بسم الله الرحمن الرحيم
جزا الله خيرا الأخ الفاضل الذي نشر الصورة والتي أظهر فيها نواياه الحقيقية وفكرة الحر
بس فيه توضيح بسيط اشمعنا الصورة دي علي الرغم من ان البلد والشوارع مملؤة بالزبالة عارفين ليه
علشان دي عقبقة واحد من الإخوان بس رسولنا صلي الله عليه وسلم بيعلمنا أن الدين النصيحة وليس الفضيحه الشئ التاني
ان الزباله كانت متعبيه في كراتين وأكياس لحين حضور جرار الزبالة ولا مطلوب نأخذها معنا في البيوت لحين حضور الجرار وسؤال سخيق مني ليه ما يكونش الأخ ال صورها هو ال فرغها علي الأرض ليتعمد اضهار الناس بصورة سيئه ؟
بدليل مشوفناش حد حنبها غيره والمركز مغلق فهذة فرصة أسف لسوء الظن بس هذة بتلك
الشئ الأخير ال أحب أذكره أمام الله وهو الشاهد أنني كنت المسئول عن هذة الزبالة ورفضت أن نلقيها في الترعة وعبيتها بنفسي في الكراتين والأكياس وياريت نكون ايجابين في كل حاجة زي ما احنا شديدي الإيجابية في نقد كل ما يخص الإخوان وما يمت لهم بصلة وهو ده الفكر الحر يا أخي الرسول صلي الله عليه وسلم يقول لرجل سأل عن امرأة ورجل يزنيان قال هلا سترتهم بثوبك

ومن ستر مسلم ستره الله والمثل بيقول حبيبك...........كمل

السلام عليكم
اختى دمع
انا لا كنت فى العقيقه ولا تخصنى
ولكن من باب الانصاف
انظرى للصورة جيدا
ستجدى ان هذه الاشياء كان معبائه فى كرتين
ومجهزه للشيل لمكان القمامه
ولكن فارق الوقت عبث فيها الاطفال وفعلو بها ما ترينه
ولو كانو قصدين هذا المنظر
افتكر انو كان من السهل والاحسن عليه
يتقدم خمس خطوات ويلقها بالترعه
يعنى هيحافظ على الترعه ومش هيحافظ على وجه مركز الشباب
وجود الترعه بجوار القمامه شاهد اسبات على حسن النيه مع وجود الكرتين
يعنى كانت معده للحمل الى مكان ما
وشكرا تقبلو منى
والله العظيم انا لست من من تخصهم العقيقه
ولا كنت فيها
ولكنى اعلم نظافه ونظام من قامو بالعقيقه جيدا

كنت على يقين يا اخى عادل انك كنت ستدافع عن الجماعه
ولكن ماحزننى ان ارى رجلا كان فى اوائل المدافعين عن القرية
واكثر من يظهر سلبياتها وفجأة لأن الموضوع يخصه بشكل ما
ينقلب ليدافع عن خطأ حدث دون ان يعلم عنه شيء لمجرد الدفاع فقط
احب ان اوضح لك يا اخى الفاضل ان هذه الصورة التقطت فى وقت متأخر من الليل
وانت ذكرت يا اخى فى كلامك واعترفت ان العقيقه كانت عصرا
يبقى اكيد الاخ صاحب العقيقه كان اكيد رايح يجيب العربية من الصعيد ولا حاجه
من كلامك انت بأن العقيقه كانت عصرا اكبر دليل انك دافعت عنهم دون علم او دون ان تدرى
مجرد دفاع وده شيء غير عادل منك يا عادل
اما للعلم واسأل فى كلامى الى هاقوله ده ادارة مركز الشباب
ان هذه المخلفات تركت فى مكانها كما هى الى ان قامت مشكورة مديرة مركز الشباب
بالاتصال بالاخ صاحب العقيقه لتبلغه بوجودها وتفضل مشكورا بعدها واتى بسيارة ونقلها
يعنى كلامك واعتقادك كله الى كتبته كان مجرد جرى وراء اعذار يا اخى
وانا للعلم انتظرت يوما كاملا بدون وضع الصورة حتى اتأكد من كلامى
لانى لا الوم بدون حق ولا ادافع بدون حق والله على ما اقول شهيد
ومرة تانية ياريت تتحرى الدقه ياعادل احنا عايزين نصلح قريتنا ونلغى مابها
من سلبيات فا من الخطأ ان من يفترض انهم من يصلحوا ان سخطأوا مثل هذا الخطأ
ومش عيب اننا نعترف بيه علشان نصلحه من ندور على حجج واعذار لا اصل لها
اتمنى ماتزعلش من كلامى ما اغضبنى انى كنت اراك دائما سيف للحق
ولا تخشى احدا واليوم رأيتك تكتب مدافعا عن خطأ دون ان تعلم عنه شيء
ولك دائما منى كل التقدير والتحية
وليد ابراهيم

اخى الفاضل
انا فعلا ما زلت كما انا
ولا اعفيهم من المسؤليه
ولكن انا ريت الكراتين
وتفتكر ليه مرمهاش فى الترعه وارتاحو منها
ومكنتش ظهرت بالمنظر ده
انا ادافع على شىء
لمسته اكتر من مره فيهم
والدليل ان ما قلته انت
ان الاخ صاحب العقيقه كان اسند المهم لاحد اصدقائه كما ذكر الاخ ابو نجا
انه كان المسؤال عن نقلها
ولما اتصلت بيه اتفضل متسرعا وراح شال الحاجه بعربيه
ازن هنا النيه الحسنه موجوده
ثم يا اخى الفاضل
مش دى السلبيات الى ننتقد فيها ونحارب من اجلها
هناك الاهم والاجدر
واقرى ردى على موضوع ابو نجا
هتعرف انى ما زلت عند مبدئى ولم اتغير
شوف ردى على الاخوان يحزرون يا اخى واحكم

ليس بالغريب اخى ابو نجا ان اراك مدافعا عن شيء يخصك وده حقك وانا لا الومك
ولكن يا اخى للعلم انا لم اصور هذه الصورة ولكنى حصلت عليها ممن صورها
ده علشان بس اقطع عليك طريق انك تقول انى علشان مش بحب الاخوان عملت كده
الصورة الى صورها ابراهيم بشير وانا اخدتها من على الفيس بوك يعنى كانت منشوره
فى مكان اوسع من المنتدى
ثم يا اخى انا لم اذكر فى الموضوع اى صله بالاخوان وقصدت ذلك حتى لا تأتى الحجج
بأنى اكره الاخوان وكأنى وضعت صورة مزيفه دائما نقلب الحقائق بكلام ليس له اصل
سؤال سخيف زى الى سألته حضرتك يعنى ايه ناكل ونسيب الزبالة امام بوابة مركز الشباب
حتى ولو معبأه فى كراتين وحضرتك تعلم جيدا ان عربة النظافه كثيرا ماتأخذ اكثر من اسبوع
دون ان تمر يبقى حضرتك كنت متوقع انها هاتفضل فى كراتين زى ماهى
ازاى دا حتى القطط ماكانتش هاتسيبها فى حالها
كلمة اشمعنا بدأنا نسمعها من الاخوان حضرتك بتقول اشمعنا الصورة دى
لأن المفروض انكم يا اخى ممن تدافعون عن القرية وتعملون لمصلحتها وتسعون لتوعية
شبابها فحينما تخطأ وانت فى مكان القدوة فالخطأ مضاعف وده الى زعلنى
مش كلام مالوش اصل من الصحه دايما نردده وبس ان انا بكره الاخوان وخلاص
المفروض بدل ماتقول انت بتكره تقول خطأ والحمد لله تداركناه وخلاص
ثم لماذا دائما نضع الاحاديث فى غير موضعها ايه الى جاب واقعه زنا الى خطأ ترك زباله
لا اله الا الله
وقبل نهاية كلامى احب ان اتوجه لك بالشكر العميق على مدى ترحيبك بجمعية الفكر الحر
واظهارك لمدى حبك لها من البداية ودون تأخير
انا علشان صاحب فكر حر حاربت هذا الخطأ ولو كنت غير ذلك لتركته
والف شكر لك اخى الغالى
وليد ابراهيم

يا اخ عادل انا اتكلمت عن شيء شفته خطأ من وجهه نظرى البسيطه ولم اذكر فى الموضوع
اى كلمة تشير الى الاخوان حتى نتلافى كلمات اننى اكره والكلام ده
ومش معنى ان الاخوان منظمين وانا اشهد بذلك انهم لا يخطأوا
دول بشر مش ملائكه
يقول المصطفى الحبيب صلى الله عليه وسلم " كل ابن آدم خطاء وخير الخطائين التوابون "
انظر يا اخى الى قدر السخرية من جمعية الفكر الحر فى رد اخى ابو نجا
لتعلم مدى حبهم وتشجيعهم لمن يريد ان يفعل الخير للقرية بعيدا عنهم
نفسى اعرف ايه دخل جمعية الفكر الحر فى الى حصل
طبعا مفيش اى دخل غير مجرد تنفيس عن شيء فى القلب
وربنا يهدينا الى الخير
اللهم وفقنا فأنت تعلم نوايانا

يا أخي الغالي لاتغالي في كلامك أنت تعرف جيدا من صاحب العقيقة لأنها لم تكن سرا

بل كان مدعوا لها مسبقا
والذي يربط الحديث بالواقعة هو أن خلق المسلم هو الستر لا الفضح
وما يفعله أبو غادة ليس دفاعا عن خطأ وانما تطبيقا لقول رسولنا صلي الله عليه وسلم التمس لأخيك سبعين عذرا
والعذر الواحد والبعين ازاي لا أجد لأخي المسلم عذرا
ثم عل فكرة أن لاضد الفكر الحر ولا ضد أي شئ أوكيان يخدم كفر نعمان ولا أشغل نفسي بغيري الا فيما يفيد كفر نعمان فقط ولاأجري وراء الأخطاء لأظهرها وأول من ساعد في جمعية الفكر الحر هو أنا واسأل الأخ أبو غادة
أعطيته الطابعه الأللوان وقلت له لو عاوز تطبع أي حاجة ليزر موجودة في أي وقت
علمني اخواني نتعاون فيما اتفقنا عليه
ومن قبلهم علمني نبيي كان الله في عون العبد مادام العبد في عون أخيه
ومن قبله علمني ربي وتعاونوا علي البر والتقوي

السلام عليكم ورحمة الله وبركاته

فى البداية انا بزعل جدا لما اشوف الحوار يوصل للدرجة دى

خصوصا ان احنا ولاد بلد واحدة يعنى المفروض تكون ايدينا فى ايد بعض

حتى لو كان هناك نقد لازم يتقابل بصورة كويسة والرد يكون هادئ

للامانة الصورة موجود على الفيس بوك من يومين وعليها تعليقات كتير جدا

يعنى الاستاذ وليد مش هو اللى صور ولا هو اللى عايز فضيحة ولا شماتة فى حد

والحق يقال ايضا انا شفت الكراتين دى يوم العقيقة بالليل حوالى الساعة واحدة بالليل وما كنتش كده

يعنى اعتقد ان اللى صور هو اللى نشر الزبالة كده بس برده كده كده كان ده هيحصل سواء من الاطفال او من القطط

الحرية موجودة للجميع لعرض النقد مادام ليس فيه تجريح لاحد

والتجريح مش موجود هنا فى الموضوع ده دى مجرد صورة ومفيش تعليق او نقد

استاذى الفاضل ابو نجا

حضرتك ليك الحق انك ترد على الصورة بحرية تامة

بس اسمح لى حضرتك جانبك الصواب بالتعرض لجمعية الفكر الحر

احنا كل هدفنا نخدم البلد مش مهم مين يقوم بالخدمة المهمة تتحقق

ومن مبادئنا ان احنا مفيش عندنا مسميات ولا تصنيف لاشخاص ولا اهداف الا خدمة البلد

وما كنش هدفنا ابدا ان احنا نعادى حد او نبرز عيوبه

هدفنا الاول والاخير البحث عن صالح قريتنا

نبحث عن التعاون فيما بيننا لخدمة قريتنا

تحياتى لكم جميعا

محمد

صحيح يا عم وليد نسيت أذكر حضرتك بأنني لم أقل انك ال صورت أن قلت
ليه ما يكنش (ال صور ال صور ال صور
بغض النظر عن شخصه
وبعدين بقولك نحن مأمورين أن نستر عل المسلم في أكبر ذنب وهو الزنا مش في الزبالة والتصحيح ان ال اتصل علي صاحب العقيقة الأستاذ محمود رخا
وشكرا علي سعة صدركم

اخى ابو نجا
مشكورا ما فعلت
لا ننكره
وكمان قمت بالدعوة للتشاور والحوار انا معك
ولكن اعتقد ان الاخ وليد
تكلم عن نفسه كشخص
ليس عن جمعيه الفكر الحر
ولو كان من اول مؤسسيها
والاختلاف فى الرئى والفكر لا يفسد للود قضيه
وشعارنا فى الجمعيه
ايد فى ايد لبناء فكر جديد
لسنا ضد احد ولا مع احد
نحنو مع الصالح العام لكفر نعمان
وضد اى هدم او تخريب لكفر نعمان
وانا اعلم جيدا ما تفعلوة لكفر نعمان
وارجو منك ومن الاخ وليد
ان نخرج جمعيه الفكر الحر والاخوان من هذا الاختلاف
فلا انت وحدك تمثل الاخوان
ولا هو وحده يعبر عن رئى الجمعيه
يريت تتخاطبو كافراد
ولكم جزيل الشكر
والكل يعلم انى من محبى الاخوان ولا اكرههم
ومع ذالك فضلت انى اكون فى جمعيه الفكر الحر
وليس قرها فى احد
ولو كانت الجمعيه منشئه ضد احد او تهاجم احد او عند فى احد ما كنت اشتركت فيها
الجمعيه افكارها واهدافها الاولى والاخيره خدمه كفر نعمان
ولسن ضد الاخوان ولا غيرهم من الجمعيات الموجوده

بسم الله الرحمن الرحيم
أخي العزيز صوت العقل
أخي العزيز وليد
أخي العزيز أبو غادة
كلكم أعزاء ال قلبي وصدقا أقول وبخاصة صوت العقل الذي يصغرني كثيرا لكنني أتعلم منه الكثير جدا أرجو أن تذكروا لي كلمه واحدة تناولت فيها اسم جمعية الفكر الحر بأي وصف أو تجريح أوذكر الإسم في أي رد من ردودي بس انتم مشيتم ورا الأخ وليد لأنني كنت أعاتبه كشخصه وقلت له هو ده الفكر الحر اني أفضح الناس وبدون بينة ولا نصيحة ولم أتطرق للجمعية بأي شئ فياريت لانقحم هذا في ذاك يا أخي الفاضل لقد تعاونت مع الحزب الوطني وهم يدعون خدمة البلد في القافله التي كانت بملعب مركز الشباب وكلكم تعرفون علاقة الحزب الوطني البائد بلإخوان ومع ذالك وضعت أمامي مصلحة البلد أولا وهي دائما وأبدا شغلي الشاغل وساعدت بعض أهالي الحزب في أحيان كثيرة مع علمي ببغضهم للإخوان لكنها أمانة باسم ديننا يجب أن نتعلمها ودائما ما نذكر لأنفسنا
ياأيها الذين ءامنوا لايسخر قوم من قوم عسي أنيكونوا خير منهم فالخيريه يعلمها الله
ولا نسهر الليالي ونعمل اجتماعات لنبحث هذة الجمعية أو هذا الحزب أو نتناول أصحابه بالنقد والتشهير بل نسهر من أجل أمتنا لامن أجل قريتنا وفقط اسألوا الأستاذ هيثم أبو السعود ألم أذهب له بنفسي في رمضان مع بعض من اخواني وعرضنا عليهم أن نتعاون في شنطة رمضان ونقوم جميعنا بعمل واحد وهم من تحفظ علي ذالك وعل فكرة ياوليد يعلم الله أن قلبي لايحمل لأحد الا الخير عشان نفسي أدخل الجنة لأنني تعلمت أنه لايدخل الجنة من بات وفي قلبه مثقال ذرة من كبر لأحد أي من بغض
وجزاكم الله خيرا بس ياريت ما نعطيش لأنفسنا حق النقد ثم نمنع حق الرد ونوجهه الغي مكانه دمتم جميعا بخير

انا اعلم ما اقوله جيدا يا اخى الغالى ابو نجا والف شكر على انك
اخيرا ذكرت ان هناك ذنب
اما انت يا اخى ابوغاده لى عتاب عليك كاخ
ايه دخل جمعية الفكر الحر وجماعة الاخوان فيما كتب
يا اخى انا تحدثت عن خطأ دون ذكر صاحبه وبذلك ياخى ابو نجا انا لم افضحه
كما ذكرت فى ردك بل اشرت فقط الى الخطأ
وربنا يعلم انى كتبت ماكتبت عن حب للقرية ولم يأتى فى بالى الاخوان
ولو كانت هذه الصورة قد وقعت فى يدى ومن فعل ذلك غير الاخوان
اقسم بالله اننى كنت سأكتب اضعاف ما كتبت
ولكنى اخذت بعين الاعتبار هذه الافكار التى ترددت منكم فى الردود
ولكن للأسف لم استطع ان اتفادها وكأنها واقع فى كل ما اكتب نفس الردود
وربنا يهدينا يارب لما فيه الخير لقريتنا
وليعلم الجميع انى لا اكن يوما غاضبا لخلاف فى الرآى وليس فى قلبى سوى
حب الجميع ولكن اختلافى مع اراء اى شخص لا يعنى انى اكره الشخص
والف شكر لسعة صدر الجميع فقد حولت موضوع بسيط عن سلبية الى موضوع طائفى
لا اله الا الله محمد رسول الله

يا اخى الغالى ابو نجا منذ متى وانت تنادينى بصاحب الفكر الحر او تعاتبنى بها
ومتى كانت هذه الكلمه موجوده
لقد كتبت بالحرف فى ردك
جزا الله خيرا الأخ الفاضل الذي نشر الصورة والتي أظهر فيها نواياه الحقيقية وفكرة الحر
وايضا فى اخر ردك كتبت
وهو ده الفكر الحر
ارجوك تفهمنى كلامك ده بيشير الى ايه
يا اخى كل لبيب بالاشارة يفهم والاشارة على فكرة مش محتاجه توضيح
او فهم واضحه جدا
وهذا ما فهمته بعقلى البسيط واتمنى كل قلبى ان اكون على خطأ
وانت تعلم انى لا اكره ابدا احد وعلم يا اخى اننى وانا اضع هذا الموضوع
حذفته اكثر من مره وغيرت كلماته مراعيا لحق الاخوه حتى لا افهم على غير مقصدى
حتى قررت ان اضع الصوره وهذه الجمله البسيطه مراعاه للجميع
والف شكر مرة اخرى لسعه صدركم
وليد

يبدوا إن اللي صور الصورة زعلان عشان مااتعزمش في العقيقة
ياريت نعرفو عشان نعزموا المرة القادمة وياريت قبل ماندور
على العيوب نشوف المزايا ولا دايما بننظر للنصف الفارغ من الكوب

أخي العزيز أكرر ما قلت حتي لايسأ فهمي وحتي تتضح الحقيقة وأعتذر ان أسأـ التعبير فذا هو كلامي الذي ذكرت فيه الفكر الحر لأبين معناه وألمك عليه وليس للسخرية كما تقول وأكرر اعتذاري ان أسئ فهمي
جزا الله خيرا الأخ الفاضل الذي نشر الصورة والتي أظهر فيها نواياه الحقيقية وفكرة الحر
وياريت نكون ايجابين في كل حاجة زي ما احنا شديدي الإيجابية في نقد كل ما يخص الإخوان وما يمت لهم بصلة وهو ده الفكر
دمت بخير

mahmoudsewefy كتب:: يبدوا إن اللي صور الصورة زعلان عشان مااتعزمش في العقيقة
ياريت نعرفو عشان نعزموا المرة القادمة وياريت قبل ماندور
على العيوب نشوف المزايا ولا دايما بننظر للنصف الفارغ من الكوب

السلام عليكم يا اخ محمود السويفى زى ما انتم كنتم بتتكلم فى العقيقة وتقولو ان المفروض كل واحد يقول للتانى يا اخ
ولكن كان من المفروض عليكم جميعا بدل ما تنقدوا النقد تقبلوه بصدر رحب وتقروا بخطأكم فى هذا الامر وتكتسبو الجميع
ولكن ما فعلتموه تهكمتم على الاخرين واظن ان ما قلته لا يليق بكم كما تقولون وكما يعرفه عنكم الاخرين
واتمنى فعلا انك يكون كلامك صح وتعزم اللى صور زى ما انتم بتقولو
اما بالنسبة لكلامكم اللى انتم بتقولوه على ان الجميع بدأ يظهر لكم النوايا السيئة او العيوب ويخفى المزايا فهذا من الممكن ان يكون صحيحا وذلك لانكم اصبحتم الان منظورين امام الجميع ولستم كما كنتم من قبل وكل م تفعلونه يكتب عليكم
وكان من الافضل بدلا من النقد الحادث من ابونجا للفكرالحر ان تقروا بهذا الخطأ
وخاصة انكم منظمون جدا فكيف فاتكم هذا الامر
ومن الممكن ان يكون بالفعل حدث سهوا ولكن كان يجب عليكم الاعتراف بهذا الخطأ
اما بالنسبة للعيوب التى يظهرها الجميع الان فهو كما كان يحدث مع الحزب الوطنى كنتم تظهرون العيوب ايضا والان لا تتقبلون ذلك

دمعة فرح كتب:: المفروض ادارة مركز الشباب دى تتحاسب دى مش فوضه
صورة تكسف ربنا يرحمنا من الاشكال الى عملت كده
ومشكور يا اخى على ذكر هذه السلبية علشان نتلاشاها بعد كده
تحياتى
دمعة فرح

اختنا العزيزة دمعة فرح
اولا باعتبار انى عضو مجلس ادارة فى مركز الشباب اتقدم بخالص اعتذارى لما جاء فى هذه الصورة
وان شاء الله ذلك لن يتكرر وان من بمركز الشباب الان الذين تريدين مجازاتهم هم من قامو بتنظيف امام مركز الشباب ويجتهدوا قدر ما فى وسعهم لنظفة المركز وتنشيط كل انشطته
ثانيا اشكرك على ردك وحرصك على قريتك ان تكون نظيفة
محـــــــــــــــــــــــــــــــــــــــــــــامى كيمـــــــــــــــــــــــــــــــــــــو

السلام عليكم
اخى
محامى
الموضوع خلاص اتقفل
والناس لو قريت كل الردود كويس
هتلقيهم معترفين بالخطء
وكمان هتلقى الى
عامل الموضوع الاخ
وعد حب
كاتب
انو لما اتصلت مديره مركز الشباب
على صاحب العقيقه
الى هو كمان عضو فى مجلس اداره المركز
جاب عربيه
وتم تنظيف المكان
يعنى هو الى نظفو
وكمان رد ابو نجا
ان الى اتصل بيه
اخ بردو مش المديرة
الاستاذ محمود رخا
ثم يا اخى بص للصورة كويس
ثلاث اكوم من الزباله منظمه
وثلاث كرتين
وقفين مستقيمين عدليم
لو قطط ولا اطفال مش كان المكان كلو اتملا
ثم كمان فى رد صوت العقل
اكد انو مر فى الوحده تقريبا صبحا
وكان الكرتين متعبيه ومش متنتوره
ثم الاخ وليد بقول جرار الزباله بيجى كل اسبوع
الجرار بيجى يوم الاحد
والعقيقه كانت مساء السبت او عصرا
ثم لو فيه عدم نظافه او اهمال مقصود
كانت الترعه اولى انها تترمى فيها
نرجو ان نكون منصفين يا اخى
ولا نتصتاد الاخطاء بعضنا للبعض
تقبل نقدى بصدر رحب

السلام عليكم
اناشايف حاجه غريبه قوى يجماعه
ان الى بيدخل يرد على الموضوع ده
بيدخل مخصوص علشانو
وبيخرج بعدها
هو مفيش فى المنتدى غير الموضوع ده ولا ايه
مش عجبكو فيه حاجه تانيه موجوده
مع ان فيه موضيع جميله ومفيده
وافيد بكتير من الموضوع ده
والولا انها نديها اهتمام
وفيه موضوع جميل جدا لمزيف قلم
عن جمعيه الفكر الحر
ليه مبتردوش عليه

المهم فى اللى قرأته هى لغه الحوار المهذبه

اولا انا مش من البلد

ومعرفش حاجه

لاكن ديما نقول ان كل واحد مننا

لازم يحافظ على مظاهر قريته

وانه يكون غيور عليها

واخيرا الاختلاف فى الرأى لا يفسد للود قضيه

تقبلو مرورى

انا رجعت تانى علشان نسيت اقول حاجه مهمه جدا

ياريت مانستناش لبعضنا اخطاء ومانقفش لبعض على غلطه

لازم الكل يجتهد انه يخرج قريته فى اروع شكل ويبعد اى صوره

تدين لها وان ظهرت يدافع عنها بقلبه

كما قال الرسول عليه افضل الصلاه والسلام

انصر اخاك

ارجو ان يكون مرورى خفيف على قلوبكم

تقبلو تحياتى ومرورى ثانيا

» صورة وتعليق
» لتحويل اي صورة الى صورة مرسومة بقلم الرصاص بمجرد ضغطة زر
» ضع وجهك على اى صورة معFaCe On BoDy V 2.4
» صورة للقرش يلتهم السائحة
» شرح كيفية أخذ صورة عن الشاشة باستخدام الكيبورد