الحمار بلسان الحال

عجبي عليك يا ابنادم يا كبير الدار
قومت الدنيا وماقعدت لما قالو حمار
هو اسمى شتيمة ولا جنسي دة عار
خلقنى ربي وخلقك ومحدش له خيار
وانا مهما زاد الحمل فوقى صابر على المشوار
لافى يوم اقول اشمعنى اخويا وآخد منه التار
ولا يوم ابص لرزق غيرى واطق منه واغار
ولا ارفع فى يوم عينى على جارتى واصون الجار
ولا مهر ادفع لحمارتى ولاشبكة وسوار
ولا شقة اجمع تمنها ولا اجهز دار
ولا حرمى حامل تتوحم عايزة الكافيار
ولا بنت تخرج عن طوعى وتجيب العار
ولا ابن يدمن ويهلوس ويقع وينهار
عايش فى حالى متهنى ولية الافكار؟؟
بآكل وبشرب وانهق ومفيش اسرار
وعندى ابن ادم يخدمنى ليل ونهار
ان جعت يشترى برسيمي باغلى للاسعار
وفى مرضى يفضل يعالجنى ويدعى الستار
خادم امين من غير راتب ولا حتى ايجار
والحين عرفت يابن آدم مين فينا اللى حمار!!!!!

جميل ان نستمتع معك سيدي الرائع وعد الحب بكل الالوان الادبية (شجن,عاطفة قوية,رومانسية رائعة ...)
ثم تفاجئنا الان بخاطرة رائعة في قالب كوميدي تتضمن صور هزلية تعكس معانات البشر في الحياة
وراحة الحيوان باعفائه عن كل ما هو ملزم به الانسان
اشكرك مع ارق تحياتي لك

ما اروعها قصيدة.
بارك الله فيك أخي على موضوعك المميز.

والله عنده حق فى كل الى قاله
والف شكر انك ذكرتنا بيه ونقلتنا الخاظرة الهادفه دى
اختك
غزال

» رغبة الحمار في تغيير اسمه