شباب تفلس وبنات تعنس ياترى مين السبب ؟؟؟؟

زمان لما كنا نسأل العيل الصغير (نفسك تطلع اية؟؟

كان يقول (طيار، دكتور، مهندس)،

بس لما يكبر ويصطدم بالواقع، يعرف أن مش كل اللي نتمناه نلاقيه.

عشان كده لما نسأل الشاب دلوقتي (نفسك في إيه؟)،

تلاقيه نفسه يتجوز بنت عادية و في شقة عادية ويشتغل عادي ومع كل ده ما يقدرش يتجوز برضو، وبقي الجواز عنده حلم مش حقيقة.

العجيب أن زمان كانت المعادلة (شاب + بنت =جواز)،

دلوقتي بقت (شاب + بنات كتييير = حلم قومي اسمه الجواز ) طيب أزاي ؟

ما هو يا إما المشكلة في البنت أو في الشاب أو تبقي المشكلة في السواق

(علي رأي عبد الوهاب في الفيلم ) .

طيب ما سألناش نفسنا ليه المعادلة اتغيرت وبقت البنات الكتير دول قاعدين من غير جواز.

بالنسبة للشاب أول ما يتخرج بيدور علي شغل

ولو لقاه يبقي بمرتب يا دوب يقدر يتنفس بيه ومع ذلك يرضي وما بيقفش ويكمل ويقول بكره تتعدل،

لحد ما يصطدم بالواقع (تاني)

لما بيروح لبنت ويلاقي أهلها عايزين شقة زى شقة بنت ابن خالة عمها،

وعايزين يفرشوا الشقة زى بنت عمة جوز أختها،

وتبدأ الطلبات تزيد ويا عيني مع كل طلب الواد وشه يجيب ألوان ونفسه يضيق وعينه تدمع وبتطلب معاه إسهال،

وبرضو يقول لسه في أمل .

وأول الشاب ما يبدأ يتكلم و يقول:

أنا نفسي اعمل لها كل ده طبعا بس

تلاقي أبوها وشه احمر و قال له:هو إحنا فينا من بس، وهو إيه اللي مش عجبك في اللي إحنا قلناه؟

فالشاب يرد: يعني لو ينفع أجيب شقة صغيرة بدل الخمسين اوضه

وعشرين صاله،

وبدل العفش اللي هاييجي من بره ممكن نجيبه من دمياط، و بدل الشبكة أم خمسين ألف كفاية دبلة واسورتين زى (الكلابشات)

قصدي زى اللي أخت صاحبي جابتهم.

فجأة تلاقي الراجل وشه أتقلب،

وبدل كلمة يا بني بقي يقول حضرتك(طبعا بتريقة مش احترام)

و يبدأ يتفتف في الكلام،

وعينه تبقي احمر واسود

ولما بيبص الشاب للعروسة بنظرة استعطاف وشحاته

يلاقيها موافقة علي طلبات أهلها وبتبص له من فوق لتحت

ولو البنت بقت في صف الشاب يا دوب بتقول له: معلش حاول،

وكأنها واخده حقنة بنج، ومش حاسة باللي الشاب فيه .

طيب خليكوا قاعدين بقي لحد ما تكبروا وتأتبوا،

وساعتها ........

بجــد يعني المشـكله فين ؟؟

في الشـباب اللي مبقاش قادر يتحمل مسؤلية نفسه وعايز يصاحب وبس ؟؟

ولا في البنت الفافي .. اللي بتحب تمثل وعامله فيها برنسيسة زمانها ؟؟

يارب يكون الموضوع
تهتموا بيه

واسمع ارائكم
وبجد دى حاجة شاغلة بال الجميع

اوعوا حد يزعل منى
او من كلامى
مع احترامى للجميع

تحياتى لكم
اسلام المكاوى

الميول الى الاستقرار فطرة خلقت في النفس البشرية منذ القدم
ولن تتغير مهما تغيرت المعادلة الا ان طغيان المادة وزخرفت الحياة لطخت
تلك الصورة الجميلة و غيرت مفهوم الزواج و اسسه القوية وهي :الاخلاق الحميدة و المودة والوفاء و الرحمة .....
لتضعه في اطار غانق يفقد العقلنة و يعسر الزواج و في النهاية نجد كل من الشاب و الشابة يتخبط بين ركام الحيرة والحسرة
او البحث عن حل بديل يشبه الاستقرار في زمن اللاكتراث
تحياتي وشكري لك اخي على موضوعك الهادف

الخنساء كتب:: الميول الى الاستقرار فطرة خلقت في النفس البشرية منذ القدم
ولن تتغير مهما تغيرت المعادلة الا ان طغيان المادة وزخرفت الحياة لطخت
تلك الصورة الجميلة و غيرت مفهوم الزواج و اسسه القوية وهي :الاخلاق الحميدة و المودة والوفاء و الرحمة .....
لتضعه في اطار غانق يفقد العقلنة و يعسر الزواج و في النهاية نجد كل من الشاب و الشابة يتخبط بين ركام الحيرة والحسرة
او البحث عن حل بديل يشبه الاستقرار في زمن اللاكتراث
تحياتي وشكري لك اخي على موضوعك الهادف

اشكرك يا اختى الخنساء على اهتمامك بالتوبيك

وردك الاكثر من رائع

وده ظاهرة حبيت اعرضها ليكم

تحياتى ليكم

السلام عليكم ورحمه الله
موضوع جميل جدا معاكى اخت الخنساء
بس للاسف العرض بتاعو مش ليق
من اسلوب جامعى والالفاظ المستعمله بردو مش ليقه
المووضوع حساس ومهم

انتا رميت الحمل كله على البنت
البنت مش هى السبب لكن العند واسرار الاهل
تفتكر فى ايدها ايه تعملو
تقولو اهرب معاك ونعيش فى عشه
وتترك اهلها وترحل يا اخى اختار الالفاظ
اختار الكلامات
الموضوع اهم من الكلابشات
واهم من الكلام ده
بس نفسى تكتب موضوع وتقترح ليه حل
وتعرضو للنقاش

قبل معرض الموضوع كامل مع حلولو
هسبلك فرصه الاول تقلنا وجه نظرك وتعيد صيغه الموضوع وتعرض لينا بعض الحلول نتناقش فيها
والا معنت هردلك على موضوع

صيغه الموضوع والحلول
اشكركم
معلش لسه مبعرفش ازخرف للكلام ولا الصفحه

تم حدف بعض الجمل الاستفزازية
الادارة

اخى الغالى الفرعون المصرى موضوعك اكثر من رائع تعرض فيه رأيك
فى مشكله محدده
وان كنت اختلف معك قليلا فى ان البنت هى اكبر الاسباب
انا اقول لك اخى الغالى ان اكبر الاسباب هى
الاهل نظرا لانسياقهم وراء المظاهر الكدابه
وتقليد الغير دون النظر الى مستوى وقدرات كل شاب
كل اب عايز لبنته زى بنت صديقه او جاره
هى دى مشكلتنا احنا بنحب المظاهر قوى
اما باقى الموضوع فانا معك فيه
وارى ان حل المشكله يكمن فى رجوعنا الى الدين
والى سنة نبينا الحبيب والابتعاد عن المظاهر والمغالاه

ملحوظه الى اخى ابو غاده
طبعا اشكرك على الاهتمام ولكن اسمحلى بصفتى اخ ليك
اقولك انه من حق كاتب الموضوع يقول رأيه
سواء كان يخالف رأيك او لا ومن حقك ان تعترض عليه
تحياتىاو تخالفه فى الراى ولكن دون ان تجرح فيه
وفى قدراته
ارجو منك مراجعة ردك وحذف بعض الجمل منه
تقبل
الادهم

السلام عليكم انا لم اجرح فيه
ولكن ادفعه للامام
الموضوع ده مهم جدا وليه اهميه كبيره
بس بطلب منو انو يعرض الموضوع باسلوب افضل
وبلاش الالفاظ الى اتعرض بيها الموضوع
وكمان لزم يكون عارض الموضوع ايا كان درسو
ويكون عندو حلول
على الاقل على وجه نظرو وتتناقش
الموصضوع اخى الكريم موضوع معهم
موضوع مهم جدا
الغلاء الى احنا فيه غلاء فاحش
نسينى قول المصطفى عليه الصلاه والسلام فيما معناه
ان جائكم من ترضون دينه وخلقه فزوجوة
واظفر بزات الديت تربت يداك
وكثير ما تحدث القران والسنه فى زالك
رحمه بالشباب
وليسهل عليهم طريق العفه والطهاره

المشكله الكبرى يا اخى هى
اولا النظر للغير دون مقارنه فى الفروق الماديه بيننا وبينهم

البرد على قد الغطا دى من حكم ربنا كل واحد على قدر ما يستطيع
اليوم ايه بيحصل مع معظم الناس
بيروح يجهز بنتو بالقسط الجنيه بجنيه ويكتب وصلات وفى ناس مبتقدرش تسدد تتحبس
ليه المبادرة متجيش من الاهل
انتا تجيب الميسور وانا كمان ويدخل الجهاز فى السكت بدون زفه
اما الايام دى
جايب شويه حجات ميتعبوش فى عربيه ولا اتنين
اروحازفهم فى عشرة عربيات واستعرض
بيهم امام الناس
يبقى لزم الناس تشوف وتعرف انا جيب لبنتى ايه
طيب ليه
انتا ربنا قدرك وميسور الحال
رعى شعور غيرك على الاقل تتقى حقدهم
ولو لحظتو معظم الزجات الى بتتبنى على الفشخره والتعالى نهيتها بتكون قريبه جدا
وان اكتر حلات الطلاق جوازات افتر فيها الاهلين على بعض بمطلبهم وشروطهم
اما الزجات الى تمت بيسر وعلى حسب المقدرة مستمرة وناجحه
واخير اخى حتى لا اطيل

اشكرك على لفت نظرى لما اخطئت فيه واعتزر للاخ الفرعون المصرى بس بردو مصر على نقط اعتراضى
لكنى بعتزر على اسلوب العتراض

شكرا يا اخ فرعون لاثارتك هذا الموضوع كما اتمنا الا يغضبك انتقاد الاخ ابو غادة لطريقة طرحك للموضوع فلكل منا وجهة نظر خاصة به الواجب احترامها و طرهها باسلوب غير مستفز لاننا في الاخير نلتقي هنا لنرتقي و يفيد بعضنا الآخر فارجو من اعضائنا الكرام عدم اثارة امور شخصية لا تخص اهداف المنتدى

اما عن رأيي في الموضوع فانا ارى أن السبب الحقيقي لعزوف الشباب عن الزواج ليس فقط غلاء المهور وإنما هو في اعتقادي عدم القدرة على تحمل أعباء إدارة الأسرة وما ينجم عن العلاقة الزوجية من مشاكل تتعلق بالمعاملة مع أقارب الزوجة وبالزوجة نفسها من الناحية المادية. إضافة إلى التطور الذي تعيشه والذي ينافس الغرب في كل شيء، أصبح بعض الشباب يفكر ما الذي أستفيده من الزواج؟ فلو حسبناها نجد انه لو يتزوج لم يستفد شيئا بل انه سوف يخسر الكثير مثال المال والوقت والصحة.
لكن المشكل الأكبر في نظري هو أن معظم شباب هذا الوقت يرى أن الزواج مقيد للحرية الشخصية بفعل التأثر بالفضائيات وما يعرض فيها من الصور لنساء فاتنات ومن وجهة نظر منطقية أرى انه ليس هناك عزوفا عن الزواج في الوطن العربي بمعناه هناك حالة من الضياع والتخبط سببها أن الأهل هم من كان يقرر ويحدد مستقبل الأبناء وحتى التدخل في الاختيار والإنفاق على تلك الزيجات وتحمل المسؤولية بدلا عن الأولاد. وما حدث أن الأهل ونتيجة الظروف الحياتية والمادية تخلو عن هذه الفكرة… ولسوء الحظ وجد الشاب أو الفتاة أنفسهم في مهب الريح، تخرج، إيجاد عمل وشقة ومهور ومصاريف بحاجة إلى ممول، والممول قد غاب كليا لذا لا بد من التأخير في اتخاذ قرار الزواج لحين. وهذا بالنسبة للعائلات المتوسطة.
أما في العائلات الميسورة فأبناءها في الأصل لا يهتمون بفكرة الزواج إلا بعد التحصيل العلمي الكامل

السلام عليكم
رئيك اختى هاجر تمام مائه بالمائه
اذا العيب من التربيه وعدم تربيه النشاء على تحمل المسؤاليه
ويجب ان يتعب الشاب فى زواجه حتى يقدر ان يحتفظ بزوجته
يجب ان يتعلم اولا ما هو الزوج ما هى المسؤليه
ويتربى من الاول على قدره التحمل
جوزات الاسرياء معظمها تنتهى بطلاق لان الشاب يعلم انهو سوف يتزوج غيرها بفلوس ابوة
اما الشاب المكافح الذى تربى على تحمل المسؤاليه وتربى على انا يكون رجلا تستمر زيجته الى اخر العمر
ولكن ليس الحمل كله على الاسره
فالشباب يجب ان يفكر ويبنى لنفسه شخصيته
يفكر فى المستقبل ماذا لو ضاع الممول
لماذ لا ناخز بالعتبار من مبتدى حيتنا انهو ليس هناك ممول
ونترك الممول كمساعد فى اخر الحلول
يجب ان يفكر الشاب فى مستقبله عندما يكبر ويعرف ان هناك مستقبل فيعمل على تجهيزه معتمدا على نفسه
الشباب اختى ايضا مشترك فهو من يرمى الحمل
والاسره احيانا تشيل عنه مطره
فانتى تعلمى جيدا ان الاباء يفضلون ان يكونو ابنائهم خير منهم

ملحوظه فى النهايه انتقاضى ليس ناتج عن خلافات شخصيه
وانما اختلاف فى الرئى فقت فليس بينى وبين احد من الاعضاء او غيرهم اى خلافات شخصيه
ملحوظه للفرعون تاكد انى لو كنت انتقضك لانى اعلم جيدا شخصيتك
فانت شخصيه اذى انتقضت تقدمت للامام فستمر واتحفنا بموضيعك اخى ولا تتوقف بس هادفه

» غرور حواء وكبرياء ادم ياترى مين الى هيفوز
» من السبب فى ضياع حقوقنا
» ياترى بكره شكله ايه ؟؟؟؟
» شوف حظك ياترى حنون ولا مجنون
» هل انت ؟؟؟؟؟؟؟ ياترى هتقدر تكمل ولا