بدون مناسبه

موضوع: بدون مناسبه الثلاثاء مايو 04, 2010 8:36 pm

كبرت في دماغي النهارده وقلت أغير محل القهوه اللي بشترى منه البن منذ وقت طويل ولما روحت البيت عملت فنجان قهوه من البن الجديد وأخيراَ قعدت أدام الكمبيوتر وبدائت أكتب هذه الكلمات بدون مناسبه..
وسمعت الست جارتنا بتنادي علي إبنها:
ياواد ياحماده نادي ميمي واطلع
مين حماده ومين ميمي ...يمكن قصدها على أحمد ومحمد
وأفتكرت إن الاستاذ عبد الله زوج الست جارتنا كان فى واحد
صحبه بيكلموا بعد الصلى يوم الجمعه وبينادي عليه ب عُبد
هما غيروا أسمائهم..!!! مش عارف
محمود إبني من كام يوم قالي يابابا أنتا ليه مبتقوليش ياحوده
إستغربت من السؤال في الاول.. بس قولت له يامحمود انتا بقيت راجل في راجل إسمه حوده..!!قال لأ ومشي بس أنا حسيت إنه مش مقتنع يمكن علشان عنده 7سنين ..
وبعد ماشربت فنجان القهوه إفتكرت موضوع مزعلني قوي
أيام كأس الأمم الافريقيه كانوا بيلقبوا المنتخب المصري بالفراعنه .هما مش الفراعنه دول كفره كانوا بيعبدوا
الشمس والنيل ورمسيس وحجات كتير ..
هو مش فرعون الذى قيل في حقه
فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ
طيب ليه بنحب أن نلقب بالفراعنه
وليه الست جارتنا بتدلع أولادها بألقاب ليس لها معني
مش الاحسن إن كل إسم غالي زي عبد الله أوعبد الرحمن أومحمد أوأحمد أو أو إلى أخره يفضل زي ماهوه بدون دلع
والمنتخب بتعنا يشيلوا منه حكايه الفرعنه
الواحد باين بيهلوس ولا إيه
مش عارف يمكن يكون السبب القهوه..!!!؟؟؟

مــــــع أرق تحيـــــــاتي
محمد رفاعي

هههههههه ياليتك يا اخى الغالى تشرب دائما من هذه القهوه
لتظهر لنا حالنا فى قالب جميل وبسيط لكل الناس
لك منى الف شكر وتحية
اختك
غزال

السلام عليكم
اخى الغالى
تسلم ما كتبت يداك
والله عندك حق
فرسولنا يقول
خير الاسناء ما حمد وما عوبد
اى احمد محمود محمد
عبد الرحمن وكل ما هو يبدء بعبد
اما من نحيه الفرعنه
هما قالو كده علشان احنا اصل الحضاره الفرعونيه
ولكن نسيو اننا اسلمنا خلاص وبقينا مسلمين
تعرف مقوله منتخب الساجدين كانت اجمل
على الاقل انها فيها سجود لله
وشكرا اخى

الحمد لله إن القهوه مطلعتش مغشوشه..!
ووجد الموضوع إستحسان من بعض الأخوه الأعزاء
شكـــراَ لمرورك أختي العزيزه غزال
وأوعدك مش هابطل أشرب قهوه
وشكــــراَ أخي الغالي أبو غاده علي كلماتك الرقيقه
واسمح لي أن أهمس في أذُنك حديث خير الأسماء ما حُمد وما عُبد
لا أصل له إنما الصحيح هو خير ألاسماء عبد الله وعبد الرحمن
وشكـــراَ لمرورك أخي الكريــم

مــــــع أرق تحيـــــــاتي
محمد رفاعي

بدون مناسبه 2771

جميل جدا ما شاركتنا به اخي الفاضل محمد رفاعي

فما استغربت له للاسف هو واقع ملموس ليس عندكم في مصر فقط بل في جميع البلاد العربية
قد يقول البعض مابالكم تناقشون امور تافهة انها اسماء فقط الجميع حر في اختيارها او بالمصرية عندكم"يدلع زي مهو عايز"
لكن هل فعلا هي مسألة تغيير للدلع فقط؟
في رأيي هو انسلاخ من هويتنا العربية و الاسلامية يسعى البعض لتغييرها متدرعين باسباب واهية عن التكيف و التحضر
فمن المفروض ان لا نحيد عنها و لا نغيرها لانها حقيقتنا التي نتغاضى عنها في كثير من الاحيان نتناساها او ندعي ذلك

فشكرا لكل ما تشاركنا به وادعوك لاحتساء المزيد من القهوة
كل الخير لك

موضوع: رد: بدون مناسبه الخميس مايو 06, 2010 10:01 pm

شكراَ أختي العزيزه هـــاجر علي مرورك الكريم أولاَ
وعلي ردك المميز والمتميز دائماَ
وسوف اُلبى دعوتك في شرب مزيد من القهوه
بالمناسبه الموضوع ده مُنتشر أيضاَ في المغرب !!!؟

مــــــع أرق تحيـــــــاتي
محمد رفاعي

» بدون مناسبه الجزء الثانى
» بدون مناســـبه الجزء الثالث
» كيف تقتل زوجتك بدون ان تكشف
» صور حياتية ولكن ..بدون عنوان
» اسره بدون ازمات كيف تكون