بدون مناسبه الجزء الثانى

خاص جداً
بما إنى رياضى قديم ومن عشاق النادى الاهلى
وبما إن البيت فاضى والاولاد عند جدهم
وبعد طريق طويل قضيته بين الشغل وحتى عودتى للبيت
رأيت فيه شباب زى الفل زاحفين إلى الاستاد
لمشاهدة مباراه الاهلي المصرى والاتحاد الليبى
وفى أيديهم أعلام الاهلى والزمالك وأعلام مصر
قلت فرصه لبست الفنله الحمره رقم 22 والشورت
ودخلت المطبخ أعمل فنجان قهوه وأجلس أمام التليفزيون
وفى بدايه الشوط الاول إذا بجرس الباب بيرن
مش معقوله العيال لحقوا يرجعوا ..؟
ووجدت أن من بالباب فتاه صغيره ليست فى السن ولاكن صغيره فى الحجم
من الاخوه الصينيين اللى ماليين البلد اليومين دول
وبأبتسامه جميله لقتها بتقولى مش عايز جهاز أرايس..؟؟
وبما إنى أعرف لغات عرفت إن أرايس هيه عرايس بس بالصيني
قلت لها شكراً..فما كان منها إلا أن فتحت الشنطه اللى جراها
وبدئت تخرج ما بداخلهالترينى ما فيها
ياست المباره بدأت
مافيش فايده
ياست مش عايز حاجه
وكأنى بكلم نفسى
ياستى انا لوحدى فى البيت لما المدام تيجى أبقى تعالى
لا حياه لمن تنادى
الواضح إنها مبتعرفش صيني
لم أجد امامى الا لغه الخرص (الاشارة) لاتحدث بها
المهم مشيت والكبوس راح وبعد ماعدت للتليفزيون مره أخرى
وجدت أن الشوط الاول أشرف على الانتهاء
ومفعول القهوه بداء يشتغل
الصين دى بلد عظيمه
لما بنت زى دى تسيب بلدها وتسافر لبلد تانيه لطلب الرزق..
لما ييجوا بلدنا ويكلوا خيرها ..
وشبابنا مايلاقيش شغل ويبداء يدخل دائره الانحراف
ياترى هما بيحبوا بلدهم أكثر ولاإحنا
فى مباراه مصر مع الجزائر سمعنا كلام كتير
اللى بيحب مصر يشترى علم مصر ويعلقه على بيته
اللى بيحب مصر يشجع منتخب مصر
طيب هما الصينيين مبيحبوش بلدهم..؟
سايبين الصين واللى فى الصين ومنتخب الصين ودايرين فى كل حته
مش عايزين ( جهاز ارايس )
هو شبابنا ميعرفش يشتغل الشغلانه دى
انا متهيألى ده إحتلال بطريقه غير مباشره
دا حتى فى الكفر ( كفر نعمان ) فى واحده بدون ذكر أسماء
من بلد تانيه حطت على الكفر وماشاء الله عليهاشغاله زى الفل
هو مافيش واحده أو حتى واحد فى الكفر يعرف يبيع جلبيات
انا باين هاهلوس وأزعل الناس منى...
بس اللى عايز أعرفه احنا بنحب مصر أكتر
ولا الصينيين بيحبوا بلدهم أكتر ..!!!
على الرغم من إن فوانيس رمضان السنه دى هاتغنى
انا مش خروونج انا كنج كونج بدلا من رمضان جانا
وطبعاً صنع فى الصين
مع الاعتزار للأخ ابو الليف..
انا باين تقلت المره دى فى القهوه
ورجعت تانى اهلوس.............

مــــــع أرق تحيـــــــاتى
محمد رفاعى

طبعا أهل مصر يحبون مصر
وأهل المغرب يحبون المغرب
وأهل لالجزائر يحبون الجزائر
لكن بلدنا لا تحتاج الى حب في تشجيع مبارات لن تساهم في تطورصناعتها
و نمو اقتصادها تحتاج الى أيادي صانعة وهمة عالية في الجد والعمل و الكفاح
للنهوض بها والالتحاق بمن سبقها في الحضارة بكل مقاييسها
أنا في رأيي أن الصينييون هم أكثر الشعوب حبا و اخلاصا لبلدهم
والدليل هو هيمنة صناعتهم ومنتوجاتهم وفرضها على السوق العالمية
فحب البلد يترجم بالعمل لصناعة حياة لا يقرها الذل والفقروالهوان
تقبل مروري أخي الكريم

السلام عليكم
اخى العزيز محمد
بعد ان اهنائك على موضوعك الجميل
احب اقلك الكفر مليان ناس بتعرف تبيع هدوم
وبتبيع
بس فرق السان والحرفنه فى المعمله وفن التسويق
وعلى فكره الصينين وصلو الكفر بردو
بس فيه توضيح احب اوضحولك
الصينين دول الى بيبيعو هنا
طلبه فى جامعه الازهره
وفى جامعه 6اكتوبر
بيصرفو على نفسهم طلبين العلم
ولكن حالتهم المديه ضعيفه
بيدرسو ويشتغلو فى نفس الوقت
ودى الحاجه الى تخزى من شببنا
انهم مبيدوروش على عنل
وبيستكبرو
لو كل شاب منتظرش الوظيفه وعمل زيهم حنحل مشكله البطاله وهما هيخفو من وجدهم هنا
هما بيعملو الى شببنا بيستكبرو عليه
واشكرك

شكرا أختى الخنســـــاء على مرورك الكريم
أنتى أقتربتى كثيراً مما أعنى
ولاكن أسمحى لى
( انا أحب المغرب والجزائر وكل بلد إسلامى كما أحب مصر )

كما أشكر أخى العزيز أبو غاده على مرورك الكريم
واسمح لى بأن أوضح اللأتى :
لو عندك قطعه أرض وحبيت تبنى عماره
وجبت المهندس والمقاول والعمال من بلد تانى..
ياترى إيه هايكون شعور المهندس والمقاول والعامل
اللى من بلدك ويمكن يكون ساكن جنبك
انا عارف ردك
وسوف أقوم بالرد عليه
لو كل رجل أعمال جمع أقاربه وجيرانه وبداء بيهم مشروع صغير
وبدأت الدائره تتسع حتى تصل الى الدوله...
وتتسع أكثر حتى تصل لحدود الدول الاسلاميه
مش هانشوف ناس بتعبد البقر تقوم بتربيه اولدنا
ولا هانشوف ناس بتعبد النار أو المطر
يتحكمون فى مصادر ثرواتنا..
هل تعلم أخى الفاضل أن الصينيين الذين تراهم
يأتون إلى مصر للعمل والعمل فقط
فهم ليسوا من طلاب الازهر ولاجامعه 6أكتوبر
فالطلبه يأتون بمنح من الدوله
ومصاريف إقامتهم ودراستهم تدفعها الدوله
فإن كانوا من طلاب الازهر فاعلى الاقل ستراهم يغطون رئوسهم
ومنذ اسبوعين تقريباً قرائت فى إحدى الصحف أن مباحث الأداب
قامت بالقبض على شبكتين الأولى فى مدينه نصر والثانيه فى مصر الجديده
وكل من فيهما من الصين...
لا أريد أن أطيل
ولاكن لايزال السؤال قائم
مين اللى بيحب بلده أكتر إحنا ولا الصين ؟؟!!

مــــــع أرق تحيـــــــاتى
محمد رفاعى

السلام عليكم
اخى الفاضل
اكيد احنا اكتر ناس تحب البلد دى
واكتر ناس تخاف عليها
وبعدين نفرض انى رحت لمهندس ومقاول جارى وتكاسل ومرضيش يشتغل ستنا لما يجيلو مزاج يشتغل
اخى الفاضل
الصينين مسكون من مجال شببنا بيتكبر عليه
طبعا مش كل الشباب
وبعدين انتا عارف الست الى وكله لبلد يبقى عرف لراجل الى بيبيع فلفل وكمون وحبهان
اهو الرجل ده مثلا للتوضع والسعى وراء لقمه العيش
تعرف ان الراجل ده موظف محترام على الدرجه الاولى
العيب يا اخى زى مقلتلك
فى تكاسل وتباطء الشباب وترك مجالت فارغه للغرب
يعنى لو عندنا الى يعمل زيهم اكيد مش هينزلو

اخى الغالى بالفعل كل مانقوله عن حبنا لمصر بلدنا الحبيب
اصبح شعارات دون ان تتحول لافعال
انشغلنا بأشياء تافهه جعلت خصيصا للترفيه فى وقت الفراغ
اكرر وقت الفراغ
اما نحن فجعلناها كل حياتنا
والان بكا امانه اقول لك ان حب الصينين لبلدهم اقوى واكثر
تاثيرا من حبنا لبلدنا
تحياتى
الادهم

كل الشكر و التقدير لكل من قام بالرد أو بقرائه الموضوع

ما أردت أن أقوله فى هذا الموضوع جاء فى مقاله للأستاذ/ مرسي عطا الله
و هو التالى
فى كل دول العالم التى نجحت فى النهوض بنفسهاشعوباً وأفرادا
يعتبرون العمل واجباًمقدساً,
يمثل التزاماً قومياً لايقل شكلا أو مضموناً عن إلزامية التجنيد
لخدمه العلم والدفاع عن الوطن.
فى هذه الدول التى كانت ظروفها أسواء من ظروفنا حدث التحول الكبير
عندهم بعد أن أيقنوا أن العمل هو المرادف الصحيح للجديه والأنضباط والأمانه والدقه والقدره على تحمل المسئوليه.
لعلى أكون أكثر وضوحاً وأقول إنه قد أن الاوان لكى نوجه
أبصارنا نحو هدف أساسى هو إعادة إحياء روح العمل
وتحت أقصى درجات الانضباط والجديه..
دعواتى لكم بكل خير
و
مـــــع أرق تحيـــــــاتى
محمد رفاعى

» بدون مناسبه
» بدون مناســـبه الجزء الثالث
» المحاماة الجزء الثانى
» واجه نفسك الجزء الثانى
» الجزء الثانى من حل المسابقة الرمضانية