نريد برلمان متوازن ياعالم افهموا مش برلمان يملكه حزب واحد كما كان سابقا

كلامى ده يا اخوانى وجهه نظر شخصيه وفى يوم من الايام
هايكون شاهد عليا زى مواضيعى الى قبل كده الى ثبت فيها
صدق توقعى
وده طبعا معرف من يوم ماقالوا هانشارك بنسبة 30 فى الميه
وقعدوا يحلفوا بكل ايمنات المسلمين انها 30 فى الميه
وبعد فترة صغيرة جدا غيروا كلامهم و تغيرت النسبة واصبحت 50 فى الميه
وتحججوا بان ال30 فى الميه لم تكن قرار من الجماعه بل كانت اراء افراد فقط
وليس مجلس شورى الجماعه وقالوا بالحرف الواحد ان مجلس شورى الجماعه وشبابها
قرروا ان النسبه تكون 50 فى الميه علشان يقدروا يحصلوا على 30 فى الميه من عدد المقاعد
وعلى فكرة الكلام ده كان قادم ناس كتير منهم اعضاء فى المنتدى لكن طبعا مش هايشهدوا
المهم ان الاخوان كاعادتهم غيروا كلامهم تانى واصبحت نسبة المشاركة فى الانتخابات 100 فى الميه
وده طبعا معروف لانهم شاركوا بقائمه فى كل دائرة ولهم مرشح على كل مقعد فردى
وعلى فكرة انا مش متفاجئ ده شيء متوقع منهم وعادى
قولولى بقى ازاى اقدر اصدقهم واصدق كلامهم بانهم يحملوا الخير لمصر كلها
وان جميع افراد الشعب المصرى سيصبحون سواء فى كل الخدمات
وانهم سيعاملون من خارج الجماعه زى افراد الجماعه زى ماوعدوا
لما حد يخلف وعده اكثر من مره ازاى اقدر اكون مطمئن لوعده بعد كده
انا عن نفسى شايف اننا خلصنا مصر من حزب واطى مستبد وهانسلمها لحزب اخر اكثر استبدادا
دون ان نشعر
نريد يا اخوانى برلمان متوازن تتوزازن فيه القوى السياسيه والاحزاب حتى لا ينفرد حزب
بأخذ القرارات وتحديد مصير الامه كلها
وللاسف هانرجع تانى لكلمه رئيس مجلس الشعب
الموافق على ذلك يتفضل برفع يده ..... موافقه

ان اليوم هو اكثر ايامى حزنا على الثورة وشهدائها
لأن دماءهم ذهبت هباء بعد هذه الفجاجه التى
ظهر بها الاخوان واصرارهم على المخالفات
فهم اكثر من خالف قواعد وقوانين الانتخابات وده بشهاده مصر كلها
الى كل شاب مصر يتطلع الى مستقبل افضل لمصر
انا لا اقول لك لا تعطى صوتك للاخوان فهذه حرية ارجوا من شباب مصر الاصيل
انا يحاول ان يصل بالانتخابات الى افراز برلمان متوازن تتوزان فيه جميع الاحزاب
فلا نريد ان نتخلص من برلمان يملكه حزب واحد لنعطيه لحزب اخر
وفى النهاية دى وجهه نظر شخصيه وارجو من كل من يقرأ هذا الموضوع
الا يحيد عنه الى اتجاه اخر ويكتب انى بكره الاخوان وواحد تانى يقول موتوا بغيظكم
والحاجات دى لو عنده رد على الموضوع يرد مش عنده يقبل وجهه نظر اخرى غير وجهه نظره
وله الشكر
وليد ابراهيم

أرجو المعذرة
ما معنى متوازن : يعني نقسم !! طيب ليه الانتخابات طالما حضرتك عاوز تقسمه!!!!
وبعدين لماذا نتهم دائما واقرأ هذا :
مرة واحد اخواني دخل الانتخابات نجح ، قالوا : بسبب الشعارات الدينية. سقط ، قالوا : خايب ودخلها ليه أساساً . قاطع الانتخابات ، قالوا : شفتم السلبية وبيتكلم عن الايجابية والمشاركة ؟!! ... دخل بأغلبية ، قالوا : عشان يكوش على المقاعد وتبقى دولة دينية. ... دخل بثلث المقاعد ، قالوا : عشان حق الفيتو ويعترضلنا في كل حاجة. دخل بأقلية ، قالوا : شفتم .. ده حجمهم الحقيقى. ساب لهم البلد ومشى ,قالوا : سابولنا البلد خربانة وطفشوا. ساب الأرض وراح المريخ , قالوا : شفتم ... حايعمل غزو عربي وينشر الوهابية . رجع تاني يزورهم , قالوا : عاوز يبقى زي الخوميني ويمسك الحكم . رفع عليهم قضية سبّ قالوا : بيسئ استخدام الحق العام وضد حرية التعبير واحنا كنا بنهزر فقد اعصابه وشتمهم قالك شوفت السفاله سابهم وراح اعتكف قالك شوفت الدروشه زهق ورمى نفسه ف النيل قالك انتحر بن الكفره قعد على جنب يقرا قرآن، قالوا بيعزم علينا قال حسبى الله و نعم الوكيل، قالوا بيحسبن علينا قام راح شغله، قالوا طمعان فى الدنيا نزل التحرير، قالوا ركب الثورة سابلهم التحرير، قالوا خان الثورة ربى دقنه، قالوا متمسك بالمظهر مش الجوهر حلق دقنه، قالوا منافق عرفتوا السبب ?
هوا ده حالكم مع الاخوان مش عاجبكم أي قرار ياخدوه
انتظر والايام جاية لو منفذوش وعودهم عندك انتخابات قادمة الكل سيعطي غيرهم
لان هذه لا اول و لا آخر انتخابات
وبعدين لا ننساق وراء كلام النخبة وهما في وادي والناس في وادي آخرالذين يريدونها علمانية
وهيا دي الديمقراطية مش انتوا عاوزين ديمقراطية ونرجع تاني نقول لالالالالا
و بلاش لغة الاتهام اعطوهم الفرصة واحكموا بعد ذلك

عندك حق يا استاذ وليد احنا عايزين برلمان لكل الشعب لانه يحمل اسم
مجلس الشعب
عايزين مفيش حزب واحد يسيطر عليه علشان يكون فى معارضه فعاله
ونقدر نشرع قوانين تفيد البلد كلها
بجد زقهنا من سيطرة قوة واحده على المجلس
لكن نحمد الله ان الانتخابات تسير بلا تزوير ملحوظ لحد دلوقتى
وفى شفافية وديمقراطيه
اختكم
دمعة فرح

بسم الله الرحمن الرحيم
لن أقول سوي يسلم قلمك يا أستاذ محمود هو ده الكلام وبعدين ما نجيبها من الأخر ونقول
انتخبوا الحزب الفلاني بدل ما نلف وندور لأننا نعلم أنه لن يغيب علي رجل بثقافة الأستاذ وليد أن قائمة حزب الحرية والعدالة هي قائمة التحالف الديقراطي بها عشرة أحزاب غير الإخوان ومن معك اليوم لاتدري ما هو حاله بالغد
ثم ليه الهجوم عل الإخوان وهم ليسوا وحدهم في القائمة بل معهم أحزاب أخري
والوفد داخل بنسبة 100% والكتلة المصرية بنسبة 100% حلال لغيرهم حرام عليهم
قد ينسي أخي العزيز وأختي الكريمة أن كلام الإخوان ووعودهم كان في ظل نظام انتخابي فردي المحافظة فيه 18 دائرة أما الأن فنظام القوائم والفردي هو الذي أدي الي ذالك المحافظظة فيه 3دوائر قائمة 6 فردي
الأمر الثاني حزب النور الذي كان أعضاؤه يحرمون السياسة داخلين بنسبة 100% بدون أي خبرة سياسية وبكره هنعرف أن سفينة النجاة لهذا الوطن ليس حزب الحرية والعدالة ولا النور ولا الوفد بل هم جماعة الإخوان المسلمين
وأعي ما أقول الإخوان هم أمل الأمة

وانت ايضا اخى الغالى ابونجا
تعلم جيدا ان التحالف يضم 10 احزاب ليس لهم وجود جميعهم
فيما عدا الاخوان وحزبهم
يعنى مجرد تجميل للصورة وبس قبلاش نضحك على بعض ونقول تحالف
ثانيا انا لم اتحدث عن اى احزاب اخرى لان الاحزاب الاخرى لم تعد وتخلف مثلما
فعلتم
وللاسف حضرتك بتنسى كلامك الى بتقوله وياريت تفتكر الاجتماع الى كان بينا
فى بيت الاستاذ هيثم وافتكر انت قولت ايه عن موضوع النسبه وشوف كده اذا كان
كلامك اتغير ولا لا وده عادى
وبعدين يا اخى الغالى انا والله لحد دلوقتى لم اقرر لمن سوف اعطى صوتى علشان بس
مش ناقصين حورات فى حتى تانية وتقولى انتخبوا حزب والحاجات دى
على العموم ربنا الموفق وياريت تشكروا الى وسعوا مساحة كل دائرة علشان يخليكم تسيطروا
لانه من غير ذكاء كده مفيش عضو مرشح جديد فى الانتخابات هايقدر يعرف نفسه لخمس مراكز
وطبعا كلنا عارفين مين فصل القانون الجديد وربنا الموفق
وليد

» برلمان الثورة اسوأ من برلمان حسنى مبارك
» كما طرحنا سابقا على مدير المنتدى لذا مارايك فى مشرف هذا الباب
» نريد من البرلمان
» البرلمان الصغير او برلمان الطلائع
» الحرية و العدالة و العسكرى و الفلول فى خندق واحد